Meistaranám í höfn

Í sumar lauk Anders Holm, greinandi og viðskiptaþróunarstjóri hjá Auðnu, meistaranámi í hugverkarétti og stjórnun (MIPLM) við Center for International Intellectual Property Studies (CEIPI) við háskólann í Strassborg.

Þekking sem styður við nýsköpun

MIPLM er virt alþjóðlegt nám sem sameinar fagfólk víða að úr heiminum og leggur áherslu á hugverkarétt, stefnumótun og stjórnun. Í náminu öðlaðist Anders enn betri skilning á mikilvægu hlutverki hugverka í nýsköpun og hvernig þau geta styrkt samkeppnisstöðu í ólíkum greinum atvinnulífsins.

Við hjá Auðnu erum stolt af því að sjá starfsfólk okkar leggja metnað í að efla hæfni sína og þekkingu. Þessi árangur styrkir ekki aðeins teymið okkar heldur undirstrikar einnig skuldbindingu okkar til að styðja við nýsköpun og tækniyfirfærslu bæði hér á landi og á alþjóðavísu.

Við óskum Anders hjartanlega til hamingju með þennan frábæra árangur!