Opinn MasterClass í vísindalegri nýsköpun

Þriggja daga vel heppnaður Masterclass í vísindalegri nýsköpun var haldinn hjá okkur dagana 21.-23. febrúar. Við fengum frábært fólk með okkur í lið!

Auk okkar eigin Auðnu sérfræðinga, héldu Pétur Jónasson deildarforseti tónlistardeildar Listaháskóla Íslands, Þorbjörg Jensdóttir vísindamaður og frumkvöðull Hap+ og Iceland Medico, Guðmundur Reynaldsson einkaleyfalögfræðingur og Jón Ingi Benediktsson frá HVIN erindi um hugverkarétt og nýsköpun, frumkvöðlavegferð, hugljómun, verðmætasköpun og fjármögnun verkefna með sjóðum og fjárfestum. María Ellingsen leikkona og leikstjóri kenndi okkur aðferðir til að ná athygli með kynningum á hugmyndunum. Námskeiðið var fullbókað og spennandi verkefni fengu fyrstu leiðsögn á leið til samfélagslegra áhrifa og vaxtar. Það verður spennandi að fylgjast með framhaldinu!