Einar Mäntylä framkvæmdastjóri Auðnu í viðtali á Sprengisandi

Einar fór í viðtal á Sprengisandi í morgunsárið með Kristjáni og ræddu þeir meðal annars bylgingarkennda fjölgun einkaleyfa sem koma úr háskóla- og rannsóknaumhverfinu á þessu ári. Þessa aukningu má að miklu leyti rekja til starfsemi Auðnu tæknitorgs sem hefur frá stofnun, síðla árs 2018, einbeitt sér að vitundarvakningu um mikilvægi hugverkaverndar og nýsköpunar innan vísindasamfélagsins. Rannsóknastarf í landinu er af góðum gæðum, alþjóðlega séð, og er mikilvæg uppspretta nýsköpunar. Það er mikilvægt að við berum gæfu til að grípa tækifærin sem rannsóknirnar gefa af sér og jafnframt að við aukum stuðning við rannsóknir, eins og okkar nágrannalönd eru að gera til að dragast ekki aftur úr. Í viðtalinu er komið inn á víðtæk áhrif vísindastarfs fyrir samfélagið og efnahag landsins.