Við aðstoðum vísindasamfélagið við að skila uppfinningum og hagnýtanlegum rannsóknarniðurstöðum til samfélagsins í formi lausna, verðmætasköpunar og aukinnar samkeppnishæfni.

Auðna Þekkingar- og Tæknitorg er óhagnaðadrifið fyrirtæki sem sinnir tækniyfirfærslu fyrir alla háskóla landsins og helstu opinberu rannsóknastofnanir. Auðna er í eigu allra háskóla landsins, Landspítala Háskólasjúkrahúss, Vísindagarða Háskóla Íslands, Matís, Hafrannsóknastofnun Íslands og Samtaka Iðnaðarins.

Markmið Auðnu er að styðja íslenskt vísindasamfélag með hugverkavernd, greiningu á markaðs- og hugverkalandslagi. Við tengjum uppfinningar og væntanleg nýsköpunarverkefni við fjárfesta og atvinnulíf. Einnig veitum við aðstoð við myndun sprotafyrirtækja. Auðna vill stuðla að auknum samfélagslegum áhrifum og verðmætasköpun vísinda og tækni úr íslensku vísindasamfélagi, bæði á Íslandi og úti í heimi.

Við aðstoðum uppfinningamenn og vísindafrumkvöðla við greiningu á rannsóknum og uppfinningum, einkaleyfislandslaginu og markaðnum. Við veitum ráð varðandi hugverkavernd og stofnun sprotafyrirtækja kringum hagnýtanleg vísindaverkefni. Við tengjum uppfinningamenn og frumkvöðla við fjármögnun og atvinnulífið. Okkar markmið er að umbreyta vísindavinnu þinni í nýsköpun sem gagnast samfélaginu.

Hafðu samband við tengilið Auðnu Tæknitorgs hjá þinni stofnun til að kanna málið.

Við viljum sjá uppfinningar gera gæfumuninn út í samfélaginu og sýna að vísindin geri gagn. Hjálpaðu okkur að fagna árangri með dæmum um hvernig afrakstur vísinda á Íslandi snertir okkur og skiptir máli. Söfnum saman dæmisögum og komum þeim á framfæri hér!

Til að leggja áherslu á samfélagsleg áhrif tækniyfirfærslu tengjum við tækifærin okkar við Heimsmarkmið Sameinuðu Þjóðanna um sjálfbæra þróun. Mannkynið stendur frammi fyrir stórum áskorunum sem SÞ Hefur skilgreint og vísindin eru eitt mikilvægasta bjargræðið við þróun lausna og nýrra úrræða. Kannski reynist eitt lítið skref fyrir þig vera stórt fyrir mannkynið? Látum reyna á það saman, allt telur.